Основниот кривичен суд Скопје, ги известува сите адвокати кои постапуваат по предмети или имаат било какво службен побарување од Кривичниот суд Скопје, да го користат системот за електронска достава и прием на акти од судовите во Р.С. Македонија преку Автоматизираниот систем за управување со судски предмети – АКМИС, користејќи ги „електронските сандачиња“.

Бранителите, како странки во постапката, се една од клучните алки во остварување на Уставно загарантираните права и слободи на граѓаните, па токму заради тоа потребно е, во соработка со судовите, да допринесат во поголема ефикасност и економичност на постапувањето во судските предмети.

За таа цел Основниот кривичен суд Скопје апелира редовно да се користи електронскиот систем за прием и достава на акти, за што судот изработи и скратено упатство за добивање и користење на „електронското сандаче“ што воедно е и обврска на адвокатите согласно Судскиот деловник.

Со тоа, адвокатите ќе обезбедат брзо и ефикасно постапување и одлучување во судовите, од што најголема придобивка би имале граѓаните.

Прилог - Упатство

Упатство за адвокати