Комеморација во чест на судијата Огнен Ставрев
ActionsВести
- Почетна
- >
- Вести
Комеморација во чест на судијата Огнен Ставрев
За неговата досегашна работа како судија, но пред се како колега и пријател, свое обраќање имаа Претседателот на судот неговите колеги судии и соработници од Кривичниот суд, адвокати, Јавни обвинители, претставници на Судскиот совет и други правосудни институции.
Судијата Ставрев не напушти на негова 63 годишна возраст, а зад себе остави судиска кариера од две ипол децении, како и членовите на неговото потесно семејство кои на денешната комеморација со гордост можеа да ги слушнат сите пофални зборови и сеќавања на нивниот татко, сопруг и син.
Огнен Ставрев ќе остане запаментен по бројните пресуди и одлуки кои ги носеше во текот на неговата кариера минувајќи низ сите оддели и одделенија во судот, авторитетот и почита со кои го гледаа странките во судницата, но пред се по ведриот и секогаш расположен дух, ловџиските приказни и неговиот стремеж да им помогне и да ги подучи помладите колеги за вистинските врендости на Кривичното право, чесноста, праведноста и гордоста да се носат со судиската функција.
Основниот кривичен суд Скопје во име на сите колеги кои соработуваа и го познаваа покојниот судија, на семејството Ставреви им изразува длабоко сочувство.
Слава му.