Во однос на денешниот протест на Синдикатите на судската служба кој ќе се одржи од 10:00 до 12:00 часот, Основниот кривичен суд Скопје ја информира јавноста дека: Управата на судот во целост ги подржува заложбите и напорите на Синдикатите на судската служба во остварување на нивните права. Судските службеници се клучна алка во синџирот на Судската власт и имаат движечка улога во остварување на правата на граѓаните пред судските постапки. Заради тоа сметаме дека нивните барања се оправдани и неопходни за понатамошно функционирање и развивање на правосудниот сектoр.