Претседателот на Управниот суд, г-дин Бурим Сејдини, денеска даде свечена заклетва пред членовите на Судскиот совет. Се заколна на почитување на Уставот и законите и вети одговорно и чесно работење. Бурим Сејдини пред две седмици беше избран за претседател на Управниот суд од страна на членовите на Судскиот совет. Ова е втор негов мандат како претседател. При изборот членовите на Судскиот совет ја потенцираа неговата успешна работа во првиот мандат, како и важноста на постигнатите резултати.