Општи податоци

Error:

Javascript-от е оневозможен. Со оглед на оваа страница бара Javascript Ве молам вклучете го вклучите Javascript-. Консултирајте ја документацијата за вашиот прелистувач за подетални инструкции.

Општи податоци

Врховниот суд на Република Северна Македонија е највисок суд во државата и го обезбедува единството во примената на законите од страна на судовите. Врховниот суд ја врши судската власт на целата територија на Републиката и има седиште во Скопје.

Надлежност:

- решава во втор степен против одлуките на своите совети кога тоа е определено со закон;

- решава во трет и последен степен по жалбите против одлуките на апелационите судови;

- решава по вонредни правни лекови против правосилните одлуки на судовите и одлуките на своите совети кога тоа е определено со закон;

- решава за судир на надлежност меѓу основните судови од подрачјето на различни апелациони судови, судир на надлежност меѓу апелациони судови, судир на надлежност меѓу Управниот суд и друг суд, судир на надлежност меѓу Вишиот управен суд и друг суд и решава за пренесување на месна надлежност кај овие судови;

- одлучува по барање на странките и другите учесници во постапката за повреда на правото на судење во разумен рок, во постапка утврдена со закон пред судовите во Република Северна Македонија во согласност со правилата и принципите утврдени со Европската конвенција за човекови права и основни слободи и тргнувајќи од судската пракса на Европскиот суд за човекови права и

- врши други работи определени со закон.

Организација

Во Врховниот суд на Република Северна Македонија се формирани четири судски оддели:

Оддел за казниви дела,
Оддел за граѓански дела,
Оддел за судење во разумен рок и
Оддел за судска практика.

Работите од својата надлежност, Врховниот суд на Република Северна Македонија ги извршува преку:

советите,
седницата на одделите,
заедничката седница на одделите,
седницата на судиите и
општата седница.

Врховниот суд на Република Северна Македонија на општа седница:

- утврдува начелни ставови и начелни правни мислења по прашања од значење за обезбедување на единството со примената на законите од страна на судовите во рок од три месеци, но не подолго од шест месеци по сопствена иницијатива или по иницијатива на претседател на суд или по иницијатива на седниците на судиите или судските оддели од судовите или по иницијатива на адвокати и ги објавува на веб страницата на Врховниот суд,

- дава мислења по предлози на закони и други прописи кога со нив се уредуваат прашања од значење за работата на судовите,

- разгледува прашања во врска со работата на судовите, примената на законите и судската практика,

- донесува деловник за својата работа,

- донесува програма за работа на судот,

- поднесува предлог до Судскиот совет на Република Северна Македонија за времено упатување на судија во друг суд,

- донесува кодекс на судиска етика за судиите и судиите поротници, на предлог на здружението на судии,

- може да поднесе барање за поведување на постапка за утврдување на одговорност на

судија или претседател на суд,

- поднесува иницијатива за поведување на постапка пред Судскиот совет на Република

Северна Македонија за утврдување на трајно загубена способност за вршење судиска функција,

- именува членови на Советот за одлучување по жалба против одлука донесена од Судскиот совет на Република Северна Македонија, согласно со закон,

- решава по барања за заштита на законитоста против одлуките на своите совети,

- одлучува по барање за изземање на претседателот на Врховниот суд на Република Северна Македонија,

- го разгледува извештајот за својата работа и извештаите за работата на судовите во Република Северна Македонија од аспект на ажурноста и квалитетот на работата, донесува заклучоци по нив и одговорен е да го следи нивното спроведување и

- врши и други работи утврдени со закон.

(2) Начелните ставови и начелните правни мислења што ги утврдува Врховниот суд на општа седница се задолжителни за сите совети на Врховниот суд на Република Северна Македонија.

(3) Утврдените начелни ставови и правни мислења по прашања од значење за обезбедување на единство во примената на законите од страна на судовите Врховниот суд задолжително ги објавува на веб страницата.

(4) Врховниот суд на Република Северна Македонија доставува Годишен извештај за својата работа, до Судскиот совет на Република Северна Македонија најдоцна до крајот на февруари тековната година за претходната година.

Закон за судовите (Сл.весник на РМ бр.58/2006)

Закон за изменување и дополнување на Законот за судовите (Сл.весник на РМ бр.35/08)

Законот за изменување и дополнување на Законот за судовите (Сл.весник на РМ бр.150/10)

Законот за изменување и дополнување на Законот за судовите (Сл.весник на РМ бр.83/18)

Законот за дополнување на Законот за судовите (Сл.весник на РМ бр.198/18)

Законот за изменување и дополнување на Законот за судовите (Сл.весник на РСМ бр.96/19)

Деловник за работа на Врховниот суд на Република Северна Македонија (Сл. весник на РСМ бр.14/22)

Правилник за начинот на функционирање на информатичкиот систем во судовите во Република Северна Македонија (Сл. весник на РСМ бр.13/24)

Внатрешните процедури за одделни процеси при управувањето со движењето на предметите во ВСРСМ (Линк)

Внатрешни процедури за ефикасно и ажурно постапување и одлучување за предметите од јавен интерес (Линк)

Внатрешни процедури за работата на Општата седница (Линк)

Внатрешни процедури за работа во Кабинетот на претседателот на ВСРСМ (Линк)

Процедура за заштитено внатрешно пријавување во ВСРСМ (Линк)

Историјат

Правилник за внатрешна организација и систематизација

Заштита на личните податоци

Програма за поддршка на медијацијата

Брзи линкови

Пребарување одлуки

Суд

Број на предмет

Датум

Најнови вести

Средба со Блупринт групата за реформа на правосудството

Новости | 14.5.2025

ВД Претседателот на Врховниот суд на Република Северна Македонија, д-р Џемали Саити на 13 мај 2025 година, оствари средба со претставниците на неформалната мрежа Блупринт група за реформа на правосудството. [повеќе]
Студентите од Правниот факултет при Универзитетот ,,Гоце Делчев” Штип во посета на Врховниот суд

Соопштенија за јавност | 09.5.2025

Група од 14 студенти од Правниот факултет при Универзитетот „Гоце Делчев” во Штип заедно со вонредниот професор д-р Милица Шутова на 09 мај 2025 година остварија едукативна посета на Врховниот суд на Република Северна Македонија. [повеќе]
Посета на претставници на Секретаријатот на Партнерство за отворена власт

Соопштенија за јавност | 08.5.2025

ВД Претседателот на Врховниот суд на Република Северна Македонија д-р Џемали Саити на ден 07.05.2025 година оствари средба со претставници на Секретаријатот за ПОВ г-дин Пол Брејтвејт, регионален лидер за Европа, Сандра Пернар, виш регионален координатор за Европа-, Метју Трамонти, службеник за истражување -Независен механизам за известување и Гордана Гапиќ Димитровска, Национален координатор за ПОВ-Министерство за јавна администрација. На средбата присуствуваше и Жарко Хаџи -Зафиров, ко-претседател, претставник на граѓанските организации во Советот за отворено судство. [повеќе]