Në fjalimin e tij para të pranishmëve, kryetari Fidani e potencoi rëndësinë e kësaj konference ndërkombëtare, e cila i bashkon kryetarët e gjykatave supreme në botë, për tu diskutuar për sfidat më ekzistenciale dhe më të thella, me të cilat përballet njerëzimi: dhuna dhe lufta, ndryshimet klimatike dhe problemet që rrjedhin nga progresi shkencor dhe teknologjik. 

Kryetari Fidani, theksoi veçanërisht rëndësinë e rolit të gjykatave supreme, të cilat nëpërmjet praktikave të tyre i mbrojnë vlerat dhe standardet e caktuara në konventat ndërkombëtare dhe legjislacionin vendas, duke avancuar të drejtat e njeriut, sundimin e ligjit dhe demokracinë.  

Në fokus të diskutimit në konferencën ndërkombëtare, që tradicionalisht mbahet çdo vit dhe në të cilën morën pjesë kryetarë të gjykatave supreme, gjyqtarë, juristë dhe promotor të shquar të paqes nga 52 vende, ishte Karta e Kombeve të Bashkuara dhe nevoja për të krijuar një sistem të drejtë, të qëndrueshëm dhe demokratik të menaxhimit me çështjet ndërkombëtare.   

Konferenca bazohet në bindjen se këto sfida mund të zgjidhen në mënyrë efektive vetëm përmes të drejtës së fuqishme ndërkombëtare dhe qeverisjes globale të reformuar që promovojnë barazi, bashkëpunim, paqe dhe zhvillim të qëndrueshëm dhe ardhmëri të sigurt për njerëzimin, sidomos për fëmijët dhe gjeneratat e ardhshme.