Gjykata Supreme e Republikës së Maqedonisë së Veriut, në bashkëpunim me Koalicionin “Të gjithë për gjykim korrekt” dhe mbështetjen nga Bashkimi Evropian, mbajti takim pune me kryetarë dhe gjyqtarë nga katër gjykatat e apelit në vend: Manastir, Gostivar, Shkup dhe Shtip. 

Ky takim, paraqet një pjesë të aktiviteteve të përbashkëta për progresin e sundimit të ligjit, sigurimin unik në zbatimin e ligjeve dhe rritjen e sigurisë juridike, përmes koordinimit të rregullt dhe këmbimin e mendimeve ndërmjet gjyqtarëve të instancave të ndryshme.

Në të njëjtën, u shqyrtuan çështje aktuale nga sfera civile dhe penale për arritjen e harmonizimit në zbatimin e ligjeve dhe interpretimin e nocioneve kyçe juridike. Diskutimet përfshinë tema lidhur me parashkrimin dhe ekzekutimin e kërkesave, kërkesa regresive të kompanive të sigurimit, të drejtën e shpenzimeve në procedurat, vlefshmërinë e parashtresave të nënshkruara me faksimile, të drejtën e dallimit deri në rrogën minimale të punësuarve në MPB, si dhe çështje nga materia penale lidhur me sanksionet e kundërvajtjes, afatet e parashkrimit dhe revokimi i dënimeve me kusht.        

Gjatë takimit, u theksua nevoja për zbatimin e barabartë të ligjeve, sidomos në situata kur në mes gjykatave ka interpretime të ndryshme ose sqarim i pamjaftueshëm në dispozitat ligjore. Për një pjesë të çështjeve juridike u nxorën konkluzione që Gjykata Supreme e Republikës së Maqedonisë së Veriut të referohet me qëndrim të saj lidhur me të njëjtat.

Kryetari i Gjykatës Supreme dhe përfaqësuesi i Koalicionit “Të gjithë për gjykim korrekt” theksuan se koordinimi i përbashkët midis gjykatave nga instanca të ndryshme është thelbësore për një sistem gjyqësor të qëndrueshëm, të parashikueshëm dhe transparent, që mundëson qasje të barabartë në drejtësinë për të gjithë qytetarët, si dhe se takimet e këtilla kontribuojnë jo vetëm për progresin e praktikës gjyqësore, por edhe për rritjen e besimit të publikut në gjyqësor, përmes dialogut të hapur, ndarjes së eksperiencave dhe bashkëpunimit praktik në mes gjyqtarëve.