UD kryetar i Gjykatës Supreme të Republikës së Maqedonisë së Veriut, Dr. Xhemali Saiti, në fjalimin hyrës potencoi rëndësinë e takimeve dhe këshillimeve më të gjera të këtilla, si forum për zhvillimin e bashkëpunimit dhe marrëdhënieve miqësore ndërmjet përfaqësuesve të drejtësisë të vendeve fqinje, këmbimin e eksperiencave dhe praktikave për avancimin e punës dhe funksionimin e gjykatave.

Konferenca “Ditët gjyqësore – 2025”, që tradicionalisht mbahet çdo vit, përfshin disa seminare tematike nga fusha penalo-juridike, civile-juridike dhe fusha administrativo-juridike, që të mundësohet një analizë е përbashkët e çështjeve të përzgjedhura nga sistemet juridike të vendeve të regjionit, legjislacionin dhe praktikën gjyqësore, si dhe shkallën e harmonizimit me standardet ndërkombëtare dhe evropiane për forcimin e kapaciteteve të gjyqësorit dhe sigurimin e sistemeve efikase gjyqësore.