Претседателот на Врховниот суд на Република Северна Македонија Африм Фидани, денес одржа работна средба со Шефот на Мисијата на ОБСЕ во Скопје, Амбасадорот Килијан Вал. На средбата присуствуваа и Шефот на Одделот за владеење на правото на Мисијата на ОБСЕ во Скопје,  г-а Русудан Табатадзе и судијата Цветанка Периќ, Заменик на Претседателот на Врховниот суд на Република Северна Македонија.

На средбата се разговараше за зајакнувањето на владеењето на правото и унапредувањето на судските реформи, со посебен фокус на интегритетот и транспарентноста на судовите. Воедно се дискутираше и за предизвиците со кои се соочува Врховниот суд на Република Северна Македонија, односно проблемот со недостиг на судиски и стручно-административен кадар и потребата за финансиска самостојност како предуслов за успешно и ажурно постапување по работите на судовите.

Претседателот Фидани изрази длабока благодарност за континуираната експертска поддршка што ОБСЕ ја дава на македонското судство, а двете страни ја потврдија својата заложба за продолжување на конструктивната соработка.