Основниот кривичен суд Скопје во соработка со Коалиција „Сите за правично судење“ успешно го заврши третиот по ред проект за анонимизирање судски пресуди на Кривичниот суд. Проектот за ангажирање 5 надворешни практиканти - анонимизирачи, кои од мај годинава ги анонимизираа правосилните и неправосилните пресуди на судот кои се од јавен интерес, заврши со над 3000 анонимизирани пресуди објавени на порталот sud.mk – одлуки на судови, а со цел збогатување на судската пракса и поголема достапност на судските одлуки за јавноста.